Qi-gong og teygjur

 

 

Hvað er Qi-gong og teygjur?

50 mínútna tími þar sem Qigong æfingar eru gerðar og teygjur í lokin.

Teygjurnar eru mismunandi stöður sem við komum líkamanum fyrir í svo hann geti sjálfur lengt sig án þess að honum sé hjálpað með miklu afli.

Stöðurnar eru einfaldar og henta flestum, ekki síst þeim sem eru mjög stirðir.

 Við höllum okkur að stirðleikanum. Við gefum líkamanum 3-5 mín í hverri stöðu, sýnum honum þolinmæði til að mæta sjálfum sér og þá hreyfir hann sig rólega inn í stirðleikann, án mikillar áreynslu.

Í tímanum eru gerðar austrænar isometrískar æfingar til að byggja upp sterkar og liðugar mjaðmir og fótleggi.  Með reglulegri ástundun beinir iðkandinn blóðflæði til mjaðma, hnjáa og ökla sem eru þau svæði sem eru oftast undir mesta álaginu. Isómetrískar æfingar kalla fram stöðuleika og styrk og gagnast þeim sem glíma við líkamlegt ójafnvægi.

Qigong og teygjur er góð þjálfun í að mæta sjálfum sér þar sem maður er staddur líkamlega. Æfingarnar þjálfa innri hlustun og eykur blóð og orkuflæði í líkamanum.

Fyrir hverja?

Tíminn er ætlaður fólki  sem þykir gott að teygja og þeim sem eru með mjög stirðan líkama, einnig fólki með gigt eða stoðkerfisvandamál af einhverju tagi. Einnig er tíminn góð viðbót við austrænar bardagalistir eins og Karate, Taekwondo og Kung-fu.

Hvenær: kennt er í hádeginu á þriðjudögum og fimmtudögum kl: 12:10- 12:50

Hvernig: Opnir tímar, þú getur byrjað hvenær sem er.

Fólk svitnar ekki í þessum tímum svo það er tilvalið að koma í hádeginu og fara svo beint í vinnuna á eftir. (við mælum með lausum fatnaði svo ekkert þrengi að í stöðunum)